نەسیم دووی دەروون چون هەردە جاران
ئیمجار دەر نە کاخ دەماخ یاران
واچە دیم وە چەم دێوانەکەی تۆ
ڕووش کەردەن نە ڕووی ئاسانەکەی تۆ
نامەی ئایرین دڵسۆزیت یاوا
بڵێسەم وە سای گەردوون سەر ساوا
سۆچنا جەستەی زامەتان خەستە
لابەرد تۆی دەروون دڵەی دەرد گەستە
وەشی و شادی و زەوق پەی ئێمە نییەن
جە دەسمان ڕشتەی ڕاحەتی شییەن
دوژمنی فەڵەک پێمان قەدیمەن
چەنیمان مەینەت قەدیم نەدیمەن
مەستی بادەی کەف ڕۆزگارانیم
بێهۆشی هیجران قەدیم یارانیم
نە دڵ ئەو دڵەن، نە هۆش ئەو هۆشەن
نە فام ئەو فامەن، نە گۆش ئەو گۆشەن
هەر کاتێ زانای فەڵەک نەردێ شەند
وێنەی هام جامان، جامان وە جا مەند
✍🏼مەولەوی کورد
🌹🌹🌹
