ساقی ساقی گتیر گیزلیجه
گورنلر اولماسین دیوانه لر وار
نعشه لر امگیم بو غملی گئجه
باغرینا اود باسان پروانه لر وار
ساقیا دوستاغام زندان گورممیش
وصالین دادی یوخ هیجران گورممیش
بیر مومن بابایام قران گورممیش
اوندادا شبهه لر افسانه لر وار
حیاتیم سونودو بو سولغون چیچک
غملری اولدورن غم اولسون گرک
آچمادی آغلایان اوزلری فلک
گورنلر اولمادی غم خانه لر وار
ساقی آماندیر یئتیر اوزونو
جاهانی گورمویوم باغلا گوزومو
وورغونام دییرم بو سون سوزومو
یاورسیز اوشوین بوش خانه لر وار
