گئدن لری آندا وئریب یولوندان
ساخلاییرام یاتمیرام کی گئجه لر
دوز آلتمیش مین گوز گوز اولان یارانی
باغلاییرام یاتمیرام کی گئجه لر
یورد یووامیز ویران اولوب تالانیب
بولاق لارین نغمه سیده بولانیب
آددیم آددیم او داغلاری دولانیب
یوخلاییرام یاتمیرام کی گئجه لر
چوخ یانمیشام اولمامیشام بئله من
درد چکمیه یارانمیشام ائله من
گاه دونورم آشیب داشان سئله من
چاغلاییرام یاتمیرام کی گئجه لر
