تۆی دەروون وە نێش ، زامان خەتەر
کەیلەن جە هووناو مەوجش وست نە سەر
هاژە وست وە سەر ، گشت کۆنە زامان
کولیانۆ جە نۆ ، سەر کەرد نە دامان
کزیان و چزیان ، قرچەش دا نە جەرگ
قەڵوەزەی زووخاو، ڕەنگین کەردش بەرگ
وشتەرەن ئازیز ، مەرگ جەی ژیانە
هەر ساتێ سەد ڕەنگ ، مەگری بەهانە
جۆی زووخ جاریەن ، شەو جە زامانم
تەڕەن وە ئەسرین ، رۆوان دامانم
ئازیز سا وەسەن ، ئاخر نەفەسەن
چکەی زووخ جەرگ ، هەرس چەم وسەن
#مەولەوی
